چکن قیمہ پراٹھا

:قیمے کے لئے اجزاء

قیمہ۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک کلو

نمک۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیڑھ چائے کا چمچ

پسی لال مرچ۔۔۔۔۔۔۔۔۔۔۔۔۔۔۔۔۔ ایک چائے کا چمچ

ہلدی۔۔۔۔۔۔۔۔۔۔۔۔۔۔۔۔۔۔۔۔۔۔۔ آدھا چائے کا چمچ

پسا دھنیا۔۔۔۔۔۔۔۔۔۔۔۔۔۔۔۔۔۔۔۔ آدھا چائے کا چمچ

پسا لہسن۔۔۔۔۔۔۔۔۔۔۔۔۔۔۔۔۔۔۔۔ ایک کھانے کا چمچ

پیاز۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک عدد

آئل۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک کپ

:ترکیب

سب سے پہلے ایک عدد پیاز، ایک کپ آئل اور دو کپ پانی ڈال کر قیمہ گلا لیں۔ جب قیمہ گل جائے اور پانی خشک ہو جائے تو دو ٹماٹر ڈال کر بھونیں، ساتھ تین عدد پیاز کاٹ کر باریک کٹی ادرک 5 سے 6 ہری مرچ اور ہرا دھنیا ڈال کر قیمہ تیار کرلیں۔

:پراٹھوں کے لئے اجزاء

میدہ۔۔۔۔۔۔۔۔۔۔۔۔۔۔۔۔۔۔۔۔۔۔ 2 کپ

گھی۔۔۔۔۔۔۔۔۔۔۔۔۔۔۔۔۔۔۔۔۔۔۔ 6 کھانے کے چمچ

دہی۔۔۔۔۔۔۔۔۔۔۔۔۔۔۔۔۔۔۔۔۔۔۔ 4 کھانے کے چمچ

نمک۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیڑھ چائے کے چمچ

پانی۔۔۔۔۔۔۔۔۔۔۔۔۔۔۔۔۔۔۔۔۔۔۔ حسب ضرورت

:ترکیب

سب سے پہلے ان تمام اجزاء کو ملا کر گوندھ لیں اور ایک گھنٹے کے لئے فریج میں رکھ دیں۔ اس مقدار میں چار پراٹھے بنیں گے اگر زیادہ بنانے ہوں تو اجزاء کی مقدار دگنی کر دیں پھر روٹی کے پیڑے سے ذرا چھوٹے پیڑے بنا لیں۔ پھر دو دو پیڑے لے کر بیل کر ان میں قیمہ بھر کر گرم توے پر گھی ڈال کر پکا لیں آنچ کم رکھیں کیونکہ میدہ جلدی پک جاتا ہے۔ تھوڑی دیر تک پکائیں آپ کا چکن قیمہ پراٹھا تیار ہے۔