پنک کلر کی گڑیا

ﺭﺍﺣﺖ ﻋﻠﯽ ﮨﺎﺳﭙﭩﻞ ﮐﮯ ﺯﭼﮧ ﺑﭽﮧ ﻭﺍﺭﮈ ﮐﮯ ﺑﺎﮨﺮ ﺑﮍﯼ ﺑﮯ ﭼﯿﻨﯽ ﺳﮯ ﮐﮭﮍﮮ ﺗﮭﮯ ۔ ﺍﻥ ﮐﯽ ﺯﻧﺪﮔﯽ ﻣﯿﮟ ﺑﮩﺎﺭ ﺁﻧﮯ ﻭﺍﻟﯽ ﺗﮭﯽ ﺍﻭﺭ ﺍﻧﮩﯿﮟ ﺍﺱ ﺑﮩﺎﺭ ﮐﺎ ﺑﮯ ﺻﺒﺮﯼ ﺳﮯ ﺍﻧﺘﻈﺎﺭ ﺗﮭﺎ ۔ ﺍﻟﭩﺮﺍﺳﺎﺅﻧﮉ ﮐﮯ ﺫﺭﯾﻌﮯ ﺍﻧﮩﯿﮟ ﭘﮩﻠﮯ ﮨﯽ ﭘﺘﮧ ﺗﮭﺎ ﮐﮧ ﺁﻧﮯ ﻭﺍﻻ ﮐﻮﺋﯽ ﻓﺮﺷﺘﮧ ﻧﮩﯿﮟ ﺑﻠﮑﮧ ﻧﻨﮭﯽ ﭘﺮﯼ ﮨﻮ ﮔﯽ ۔ ﻣﮕﺮ ﻭﮦ ﺧﻮﺵ ﺗﮭﮯ ۔ ﺑﮩﺖ ﺧﻮﺵ ۔ ﺍﭘﻨﯽ ﺣﯿﺜﺌﯿﺖ ﺳﮯ ﺑﮍﮪ ﭼﮍﮪ ﮐﺮ ﺧﺮﭺ ﮐﺮﻧﮯ ﻣﯿﮟ ﻣﺼﺮﻭﻑ ﺗﮭﮯ ۔ ﻣﻌﻤﻮﻟﯽ ﻧﻮﮐﺮﯼ ﺗﮭﯽ ۔ ﺟﻤﻊ ﭘﻮﻧﺠﯽ ﮐﭽﮫ ﺧﺎﺹ ﻧﮩﯿﮟ ﺗﮭﯽ ۔ ﺟﻮ ﺑﭽﯽ ﺍﺑﮭﯽ ﺍﺱ ﺩﻧﯿﺎ ﻣﯿﮟ ﺁﺋﯽ ﻧﮩﯿﮟ ﺗﮭﯽ ﺍﺱ ﮐﮯ ﮐﭙﮍﮮ ﺧﺮﯾﺪﮮ ﺟﺎ ﭼﮑﮯ ﺗﮭﮯ ۔ ﺍﺱ ﮐﮯ ﻓﯿﮉﺭ ﺳﮯ ﻟﮯ ﮐﺮ ﭘﯿﻤﭙﺮﺯ ﺗﮏ ﮨﺮ ﭼﯿﺰ ﺧﺮﯾﺪﯼ ﺟﺎ ﭼﮑﯽ ﺗﮭﯽ ۔ ﺩﻭﺍﺋﯿﻮﮞ ﺍﻭﺭ ﮨﺴﭙﺘﺎﻝ ﮐﮯ ﺳﺎﺭﮮ ﺍﺧﺮﺍﺟﺎﺕ ﻣﻼ ﮐﺮ ﺍﺏ ﺗﮏ ﻗﺮﯾﺒﺎً ﺑﯿﺲ ﮨﺰﺍﺭ ﺭﻭﭘﮯ ﺧﺮﭺ ﮨﻮ ﭼﮑﮯ ﺗﮭﮯ ۔ ﺍﻧﮩﻮﮞ ﻧﮯ ﺩﺱ ﮨﺰﺍﺭ ﺗﮏ ﮐﺎ ﺗﺨﻤﯿﻨﮧ ﻟﮕﺎﯾﺎ ﮨﻮﺍ ﺗﮭﺎ ۔ ﻣﺰﯾﺪ ﭘﯿﺴﮯ ﺍﯾﮏ ﺩﻭﺳﺖ ﺳﮯ ﺍﺩﮬﺎﺭ ﭘﮑﮍﮮ ﺗﮭﮯ ۔ ﮐﻮﺋﯽ ﺑﺎﺕ ﻧﮩﯿﮟ ﺧﻮﺷﯽ ﮐﮯ ﻣﻮﻗﻌﻮﮞ ﭘﺮ ﺍﺗﻨﺎ ﺧﺮﭼﮧ ﺗﻮ ﮨﻮ ﮨﯽ ﺟﺎﺗﺎ ﮨﮯ ۔

ﭘﮭﺮ ﺍﯾﮏ ﺧﻮﺵ ﺧﺒﺮﯼ ﺍﻭﺭ ﺳﺎﺗﮫ ﮨﯽ ﻧﺮﺳﻮﮞ ﺍﻭﺭ ﺁﯾﺎﺅﮞ ﮐﯽ ﻗﻄﺎﺭ ۔ ﺳﺐ ﮐﯽ ﺗﮭﻮﮌﯼ ﺗﮭﻮﮌﯼ ﺧﺪﻣﺖ ﺿﺮﻭﺭﯼ ﺗﮭﯽ ۔ ﺳﺐ ﮐﻮ ﻣﭩﮭﺎﺋﯽ ﮐﮯ ﭘﯿﺴﮯ ﺩﯾﺌﮯ ﺗﻮ ﺍﯾﮏ ﻧﻨﮭﯽ ﻣﻨﯽ ﺳﯽ ﭘﺮﯼ ﮐﻮ ﮔﻮﺩ ﻣﯿﮟ ﻟﯿﻨﺎ ﻧﺼﯿﺐ ﮨﻮﺍ ۔ ﮔﻮﺩ ﻣﯿﮟ ﻟﯿﺘﮯ ﮨﯽ ﮐﻠﯿﺠﮯ ﮐﻮ ﭨﮭﻨﮉ ﭘﮍ ﮔﺌﯽ ۔ ﭘﯿﺴﮯ ﭘﻮﺭﮮ ﮨﻮ ﮔﺌﮯ ۔

__________________________

ﺁﺝ ﺭﺍﺣﺖ ﻋﻠﯽ ﺻﺎﺣﺐ ﮐﯽ ﺑﯿﭩﯽ ﮐﯽ ﭘﮩﻠﯽ ﺳﺎﻟﮕﺮﮦ ﺗﮭﯽ ۔ ﺯﯾﺎﺩﮦ ﺧﺮﭼﮧ ﺍﻓﻮﺭﮈ ﻧﮩﯿﮟ ﮐﺮ ﺳﮑﺘﮯ ﺗﮭﮯ ۔ ﺁﻓﺲ ﺳﮯ ﮐﭽﮫ ﭘﯿﺴﮯ ﺍﯾﮉﻭﺍﻧﺲ ﭘﮑﮍ ﮐﺮ ﺍﯾﮏ ﭼﮭﻮﭨﯽ ﺳﯽ ﭘﺎﺭﭨﯽ ﺭﮐﮭﯽ ﺗﮭﯽ ۔ ﮐﭽﮫ ﺍﭘﻨﮯ ﺭﺷﺘﮯ ﺩﺍﺭ ﮐﭽﮫ ﺑﯿﮕﻢ ﮐﮯ ﺍﻭﺭ ﺑﺲ ۔

ﺍﺱ ﻭﻗﺖ ﻭﮦ ﮐﮭﻠﻮﻧﻮﮞ ﮐﯽ ﺩﮐﺎﻥ ﻣﯿﮟ ﮐﮭﻠﻮﻧﮯ ﺩﯾﮑﮭﻨﮯ ﻣﯿﮟ ﻣﺼﺮﻭﻑ ﺗﮭﮯ ۔ ﻣﺤﺪﻭﺩ ﭘﯿﺴﻮﮞ ﻣﯿﮟ ﺍﻧﺘﺨﺎﺏ ﺍﻭﺭ ﺑﮭﯽ ﻣﺸﮑﻞ ﮨﻮ ﺟﺎﺗﺎ ﮨﮯ ۔ ﮐﻢ ﻗﯿﻤﺖ ﮐﮯ ﮐﮭﻠﻮﻧﮯ ﺍﻥ ﮐﻮ ﭘﺴﻨﺪ ﻧﮩﯿﮟ ﺁ ﺭﮨﮯ ﺗﮭﮯ ۔ ﺟﻮ ﭘﺴﻨﺪ ﺁﺭﮨﮯ ﺗﮭﮯ ﻭﮦ ﻣﮩﻨﮕﮯ ﺑﮩﺖ ﺗﮭﮯ ۔ ﺁﺧﺮ ﺍﯾﮏ ﭘﻨﮏ ﮐﻠﺮ ﮐﯽ ﮔﮍﯾﺎ ﭘﮧ ﺍﻥ ﮐﯽ ﻧﮕﺎﮨﯿﮟ ﭨﮏ ﮔﺌﯿﮟ ۔ ﻣﯿﺮﯼ ﺑﯿﭩﯽ ﮐﻮ ﯾﮧ ﺑﮩﺖ ﭘﯿﺎﺭﯼ ﻟﮕﮯ ﮔﯽ ۔ ﺗﮭﻮﮌﯼ ﻣﮩﻨﮕﯽ ﺗﮭﯽ ﻣﮕﺮ ﺑﮩﺖ ﭘﯿﺎﺭﯼ ﺗﮭﯽ ۔

ﺍﯾﮏ ﺳﺎﻝ ﮐﯽ ﺳﺎﺭﮦ ﭘﻨﮏ ﮐﻠﺮ ﮐﮯ ﻓﺮﺍﮎ ﻣﯿﮟ ﺍﭘﻨﯽ ﺳﺎﻟﮕﺮﮦ ﭘﮧ ﺑﺎﻟﮑﻞ ﭘﺮﯼ ﻟﮓ ﺭﮨﯽ ﺗﮭﯽ ۔ ﭘﻨﮏ ﮐﻠﺮ ﮐﯽ ﮔﮍﯾﺎ ﺩﯾﮑﮫ ﮐﺮ ﺍﺱ ﮐﺎ ﭼﮩﺮﮦ ﺩﻣﮏ ﺍﭨﮭﺎ ﺍﻭﺭ ﺭﺍﺣﺖ ﻋﻠﯽ ﺻﺎﺣﺐ ﮐﮯ ﭘﯿﺴﮯ ﭘﻮﺭﮮ ﮨﻮ ﮔﺌﮯ ۔

__________________________

ﺳﺎﺭﮦ ﭼﺎﺭ ﺳﺎﻝ ﮐﯽ ﮨﻮ ﭼﮑﯽ ﺗﮭﯽ ۔ ﺍﺱ ﮐﯽ ﻋﻤﺮ ﮐﯽ ﺗﻤﺎﻡ ﺑﭽﯿﻮﮞ ﻧﮯ ﺍﺳﮑﻮﻝ ﺟﺎﻧﺎ ﺷﺮﻭﻉ ﮐﺮ ﺩﯾﺎ ﺗﮭﺎ ۔ ﻭﮦ ﺑﮭﯽ ﻓﺮﻣﺎﺋﺶ ﮐﺮﻧﮯ ﻟﮕﯽ ﺗﮭﯽ ۔

" ﺑﺎﺑﺎ ! ﻣﯿﺮﺍ ﯾﻮﻧﯿﻔﺎﺭﻡ ﮐﺐ ﻻﺋﯿﮟ ﮔﮯ ؟ "

" ﺁﺝ ﮨﯽ ﻻﺅﮞ ﮔﺎ ﺑﯿﭩﺎ ۔ "

ﻭﮦ ﺍﭘﻨﮯ ﺩﻭﺳﺖ ﮐﯽ ﺩﮐﺎﻥ ﭘﮧ ﻣﻮﺟﻮﺩ ﺗﮭﮯ ۔ ﮐﭽﮫ ﻗﺮﺿﮧ ﺩﺭﮐﺎﺭ ﺗﮭﺎ ۔ ﺍﻥ ﮐﺎ ﺩﻭﺳﺖ ﺍﻥ ﮐﻮ ﮐﺒﮭﯽ ﻣﺎﯾﻮﺱ ﻧﮩﯿﮟ ﮐﺮﺗﺎ ﺗﮭﺎ ۔ ﺑﻌﺪ ﻣﯿﮟ ﻭﮦ ﺗﮭﻮﮌﺍ ﺗﮭﻮﮌﺍ ﮐﺮ ﮐﮯ ﭼﮑﺎ ﺩﯾﺘﮯ ۔

ﺍﮔﻠﯽ ﺻﺒﺢ ﺍﻥ ﮐﯽ ﭘﯿﺎﺭﯼ ﺑﯿﭩﯽ ﻧﺌﮯ ﯾﻮﻧﯿﻔﺎﺭﻡ ﺍﻭﺭ ﻧﺌﯽ ﮐﺘﺎﺑﻮﮞ ﮐﮯ ﺳﺎﺗﮫ ﺍﺳﮑﻮﻝ ﺟﺎ ﺭﮨﯽ ﺗﮭﯽ ۔ ﺳﺎﺭﮦ ﺑﮩﺖ ﺧﻮﺵ ﺗﮭﯽ ۔ ﺭﺍﺣﺖ ﻋﻠﯽ ﺻﺎﺣﺐ ﮐﮯ ﭼﮩﺮﮮ ﭘﮧ ﺑﮭﯽ ﻣﺴﮑﺮﺍﮨﭧ ﺗﮭﯽ ۔ ﺍﻥ ﮐﮯ ﭘﯿﺴﮯ ﭘﻮﺭﮮ ﮨﻮ ﮔﺌﮯ ﺗﮭﮯ ۔

__________________________

ﮨﺮ ﺳﺎﻝ ﻧﺌﮯ ﺍﺧﺮﺍﺟﺎﺕ ﮨﺮ ﺳﺎﻝ ﻧﺌﯽ ﮐﺘﺎﺑﯿﮟ ۔ ﭘﮭﺮ ﺳﺎﺭﮦ ﮐﯽ ﻧﻨﮭﯽ ﻣﻨﯽ ﺧﻮﺷﯿﺎﮞ ﭘﻮﺭﯼ ﮐﺮﻧﮯ ﮐﮯ ﻟﺌﮯ ﺍﺿﺎﻓﯽ ﺍﺧﺮﺍﺟﺎﺕ ۔ ﮔﮭﺮ ﮐﮯ ﺩﯾﮕﺮ ﺍﺧﺮﺍﺟﺎﺕ ﺍﺱ ﮐﮯ ﻋﻼﻭﮦ ﺗﮭﮯ ۔ ﻣﮕﺮ ﺭﺍﺣﺖ ﻋﻠﯽ ﺻﺎﺣﺐ ﺍﭘﻨﯽ ﺑﯿﭩﯽ ﮐﯽ ﺧﻮﺷﯽ ﺩﯾﮑﮫ ﮐﺮ ﺍﭘﻨﯽ ﮨﺮ ﻣﺠﺒﻮﺭﯼ ﻭ ﻏﺮﺑﺖ ﺑﮭﻮﻝ ﺟﺎﺗﮯ ﺗﮭﮯ ۔ ﻣﻨﺎﺯﻝ ﭘﮧ ﻣﻨﺎﺯﻝ ﻃﮯ ﮐﺮﺗﯽ ﺳﺎﺭﮦ ﺁﺝ ﮐﺎﻟﺞ ﭘﮩﻨﭻ ﭼﮑﯽ ﺗﮭﯽ ۔

__________________________

" ﺁﭖ ﮐﯽ ﺳﺎﺭﮦ ﮐﻮ ﻣﺤﺒﺖ ﮨﻮ ﮔﺌﯽ ﮨﮯ ۔ " ﺑﯿﮕﻢ ﮐﮯ ﺟﻤﻠﮯ ﻧﮯ ﺭﺍﺣﺖ ﻋﻠﯽ ﺻﺎﺣﺐ ﮐﻮ ﭼﻮﻧﮑﺎ ﺩﯾﺎ ۔ ﺑﭽﯿﺎﮞ ﮐﺘﻨﯽ ﺟﻠﺪﯼ ﺑﮍﯼ ﮨﻮ ﺟﺎﺗﯽ ﮨﯿﮟ ۔

" ﮐﻮﻥ ﮨﮯ ﻭﮦ ؟ " ﺍﻧﮩﻮﮞ ﻧﮯ ﭘﻮﭼﮭﺎ ۔

" ﻏﻼﻡ ﻣﺼﻄﻔﯽٰ ﮐﺎ ﺑﯿﭩﺎ ﺍﺣﺴﻦ ۔ ﺍﺱ ﮐﮯ ﮐﺎﻟﺞ ﻣﯿﮟ ﺳﺎﺗﮫ ﭘﮍﮬﺘﺎ ﮨﮯ ۔ " ﺑﯿﮕﻢ ﻧﮯ ﻧﺎﻡ ﺑﺘﺎﯾﺎ ﺍﻭﺭ ﺭﺍﺣﺖ ﻋﻠﯽ ﺻﺎﺣﺐ ﮐﮯ ﻗﺪﻣﻮﮞ ﺗﻠﮯ ﺳﮯ ﺟﯿﺴﮯ ﺯﻣﯿﻦ ﻧﮑﻞ ﮔﺌﯽ ۔ ﻏﻼﻡ ﻣﺼﻄﻔﯽٰ ﺍﻥ ﮐﮯ ﻣﺤﻠﮯ ﮐﺎ ﺳﺐ ﺳﮯ ﺑﺪﻧﺎﻡ ﺷﺨﺺ ﺗﮭﺎ ۔ ﭘﺮﺍﺋﺰ ﺑﻮﻧﮉ ﮐﯽ ﭘﺮﭼﯿﻮﮞ ﮐﮯ ﺣﺮﺍﻡ ﮐﺎﺭﻭﺑﺎﺭ ﺳﮯ ﭘﻨﭙﻨﮯ ﻭﺍﻻ ﯾﮧ ﺷﺨﺺ ﺁﺝ ﺩﻧﯿﺎ ﻣﯿﮟ ﺍﯾﮏ ﻣﻘﺎﻡ ﺣﺎﺻﻞ ﮐﺮ ﭼﮑﺎ ﺗﮭﺎ ۔

" ﺳﺎﺭﮦ ﮐﻮ ﭘﯿﺎﺭ ﺳﮯ ﺳﻤﺠﮭﺎ ﺩﻭ ۔ ﻣﺠﮭﮯ ﯾﮧ ﺭﺷﺘﮧ ﻣﻨﻈﻮﺭ ﻧﮩﯿﮟ ۔ " ﺍﻧﮩﻮﮞ ﻧﮯ ﻓﯿﺼﻠﮧ ﺳﻨﺎﯾﺎ ۔

__________________________

" ﺑﺎﺑﺎ ! ﺁﭖ ﮐﻮﻥ ﮨﻮﺗﮯ ﮨﯿﮟ ﻣﯿﺮﯼ ﻗﺴﻤﺖ ﮐﺎ ﻓﯿﺼﻠﮧ ﮐﺮﻧﮯ ﻭﺍﻟﮯ ؟ ﺍﺣﺴﻦ ﻣﯿﺮﯼ ﻣﺤﺒﺖ ﮨﮯ ﺍﻭﺭ ﻣﯿﮟ ﺍﭘﻨﯽ ﻣﺤﺒﺖ ﭘﮧ ﮐﻤﭙﺮﻭﻣﺎﺋﺰ ﮐﺮﻧﮯ ﮐﮯ ﻟﺌﮯ ﺗﯿﺎﺭ ﻧﮩﯿﮟ ۔ ﻣﯿﮟ ﻧﺌﮯ ﺯﻣﺎﻧﮯ ﮐﯽ ﭘﮍﮬﯽ ﻟﮑﮭﯽ ﻟﮍﮐﯽ ﮨﻮﮞ ۔ ﮐﻮﺋﯽ ﺑﮭﯿﮍ ﯾﺎ ﺑﮑﺮﯼ ﻧﮩﯿﮟ ﺟﺴﮯ ﺁﭖ ﺍﭘﻨﯽ ﻣﺮﺿﯽ ﺳﮯ ﮐﺴﯽ ﺑﮭﯽ ﮐﮭﻮﻧﭩﮯ ﺳﮯ ﺑﺎﻧﺪﮪ ﺩﯾﮟ ﮔﮯ ۔ ﺍﮔﺮ ﺁﭖ ﺍﭘﻨﯽ ﻣﺮﺿﯽ ﺳﮯ ﻣﯿﺮﯼ ﺷﺎﺩﯼ ﺍﺣﺴﻦ ﺳﮯ ﻧﮩﯿﮟ ﮐﺮﯾﮟ ﮔﮯ ﺗﻮ ﻣﯿﮟ ﻋﺪﺍﻟﺖ ﮐﺎ ﺩﺭﻭﺍﺯﮦ ﮐﮭﭩﮑﮭﭩﺎﺅﮞ ﮔﯽ ۔ " ﺳﺎﺭﮦ ﮐﺎ ﺟﻮﺍﺏ ﺩﻭ ﭨﻮﮎ ﺗﮭﺎ ۔

ﺍﯾﮏ ﭘﮍﮬﯽ ﻟﮑﮭﯽ ﺑﯿﭩﯽ ﮐﮯ ﺁﮔﮯ ﺑﺎﭖ ﻻﺟﻮﺍﺏ ﮨﻮ ﭼﮑﺎ ﺗﮭﺎ ۔ ﺯﺑﺎﻥ ﮔﻨﮓ ﺗﮭﯽ ۔ ﺳﺎﺭﮦ ﺍﭘﻨﺎ ﻓﯿﺼﻠﮧ ﺳﻨﺎ ﮐﺮ ﻭﺍﭘﺲ ﺍﭘﻨﮯ ﮐﻤﺮﮮ ﻣﯿﮟ ﺟﺎ ﭼﮑﯽ ﺗﮭﯽ ﺍﻭﺭ ﺭﺍﺣﺖ ﻋﻠﯽ ﺻﺎﺣﺐ ﮐﻮ ﮨﮑﺎ ﺑﮑﺎ ﭼﮭﻮﮌ ﮔﺌﯽ ﺗﮭﯽ ۔

__________________________

ﺍﮔﻠﮯ ﺩﻥ ﺻﺒﺢ ﻟﻮﮔﻮﮞ ﮐﻮ ﮐﻤﺮﮮ ﺳﮯ ﺍﯾﮏ ﺑﺎﭖ ﮐﯽ ﻻﺵ ﻣﻠﯽ ۔ ﺟﺲ ﮐﯽ ﺯﻧﺪﮔﯽ ﮐﺎ ﺳﺎﺭﺍ ﺳﺮﻣﺎﯾﮧ ﮈﻭﺏ ﭼﮑﺎ ﺗﮭﺎ ۔ ﻣﻮﺕ ﮐﺎ ﺳﺒﺐ ﺩﻝ ﮐﯽ ﺩﮬﮍﮐﻦ ﮐﺎ ﺑﻨﺪ ﮨﻮ ﺟﺎﻧﺎ ﺗﮭﺎ ۔ ﻻﺵ ﮐﮯ ﭘﺎﺱ ﺍﯾﮏ ﮔﮍﯾﺎ ﭘﮍﯼ ﺗﮭﯽ ۔ ﭘﻨﮏ ﮐﻠﺮ ﮐﯽ ﮔﮍﯾﺎ ۔

ہماری پوسٹ اچھی لگی ہو تو اسے شئیر بھی کر دیجئے اور ہمارے یوٹیوب چینل کو سبسکرائب بھی کر دیں۔

سبسکرائب کرنے کے لیئے یہاں کلک 
کریں۔۔۔